Herzlich willkommen auf der Homepage

der Heimatfreunde Neuenhaus

     
 

Liebe Mitglieder und Freunde
Wij könnt ok dit joor weer de wiehnacht fieren, to huus, met kerssenschien en dannengröön,wij könnt ok weer de aulen leeder singen,en dorüm kön en söl wij bliede wee’n.

Wij wäinscht uw met mekaar ne mooje Wienachtsstied.

 
     
 
 
     
 
 
     
 
 
 

 

 
 

Adventstied

Wat is uut de Adventstied wödd’n?
Advent – heff dat Woart vandage noch iets te seggen?
Könn wi doar noch wat met anfangen?
Advent – dat hett: He koump!
Wat ne Bliedschup!
Onsen Heiland is upp ’n Pad noa ons häin.
He koump up ons an!

Joa, men well prakkesiert doar nu noch up?
En well is doar wörklik bliede tegen?
Joa, mooi, dat he koump! – Later!
Nu doch nich foart ümdewiele?
Heff dat nich noch ääm Tied?
Up Stound heb wi ’t d’r noch nich noa.
Wi bint doch soa drock
met dit en dat en noch wat.

Advent – dat is Bliedschup.
Bliedschup unner mekaar en met mekaar.
Advent is: met Plesier wochten.
Jesus temöte sehn, hem verwochten.
Bliede wään, dat he koump.
Men doar höart Röste too.
En Tied!

Tied en Röste heb wi nich.
Soa kott vür Wiehnachten a’ gar nich.
Wat mött d’r nich alle gebüren:
Buten: harken, keahren,
binnen: schoane maken, Gerdinen waschen,
Kersen halen, Wunnkamer schmücken,
Möppkes backen, Joahrskoken rullen.

Hier ne Weihnachtsfeier, doar ne Weihnachtsfeier!
Hoast iedere Wecke eene.
Weihnachtsfeiern mehr as genog!
Mangs koump Jesus doar gar nich mehr an tepasse.
Het helpt alle niks: tenminsten twee Moal
schuff men ok oawer nen Weihnachtsmarkt!
Doar geht het too as ien ’n Pöttken met Pieren.
Wat is men dann ’s Oabends möö!
Ooo, wat is men ’t satt!

 

Joa, en dann mött’ d’r noch Geschäinke wään!
Vür em en vür ear, vür Jan en allemann. -
Heb wi wal an de Wiehnachtskarten dacht?
Nee? Nou, dann men gauw wierüm!
O o, wat ne Drockte!
Wat ’n Höasten, wat ’n Klabastern!

Advent – dat is doch: Wochten! - Hoppen!

Besinn di! - Goa sitten! -
Sing ’n Leed! - Lees ’n Book!
Advent – wat hebb wi Mäinschen bloß doarvan maakt?
Ne Karmse!

En wat segg onse Gott ien ’n Himmel doartoo?

Wat dött he, at he ons armen Blöe soa sött?
Misschien schütt’ he wal is met ’n Kopp.

 

Men he hoolt ons ok vandage
aait noch de Hanne häin.
Begriepen könn wi Mäinschen dat nich,
men togriepen en fastehollen, dat könn wi!

Advent 2019– loat wi elk vür sik
en met mekaar bliede up em wochten!

 
     
 
 
 

Winterdag

Nu lig den snee up land en feld,
så kläin, bekrumpen is de weld,
et frös dat’t knapt door buten.
De kaulde maakd de mensschen drok,
en in de hüse mååld se ok
iesblomen up de ruten.

De sünne schiend, dat weer is kloor,
wat föör ne pracht is doch weer door!
Snee löcht' up weg' en stråten,
up busch en bååm en al 't gewas,
as of ’t beströjd met sukker was, —
lecht flimmerd feld en måten.

De sünne schiend, men wörmd nich meer,
de wind puust kauld van 't oosten weer,
et is nu heelmåls Winter.
Den snee den krååschet under ’n schoo,
et geet up middewinter to,
de kotten dage bint der.

Men is ok 't winter noch så kauld:
wij hebbt noch kölle, törf en hault
en ok wal wat te etten.
en 'n underdak, en noch völ meer,
drüm dank' wij unsen Lewen Heer
en sölt em noojt vergetten.

K.S.

 
 
 
 

Durch unseren Internetauftritt geben wir Ihnen die Möglichkeit, sich einen kleinen Einblick in unseren Verein zu verschaffen.

Die Einwohner aus Neuenhaus, den Nachbargemeinden, der Grafschaft, aber besonders auch Neuenhauser, die heute außerhalb und rund um den Globus verstreut leben, möchten wir ansprechen und ihnen, soweit das möglich ist, ein kleines Stück Heimat vermitteln.

In der Navigationsleiste ist erkennbar, mit welchen geschichtlichen und bis in die Gegenwart
hineinreichenden Dingen wir uns beschäftigen.

Sollten Sie für dieses Anliegen Dokumente, z. B. handschriftliche Akten, Postkarten, Fotos, Karten und Briefe aus den Weltkriegen, die Zeitgeschichtliches beinhalten, alte Heimatliteratur, aber auch Gegenstände, die mit Neuenhaus in Zusammenhang stehen, besitzen und der Allgemeinheit zugänglich machen wollen, selbstverständlich ohne die Besitzansprüche daran zu verlieren, dann setzen Sie sich doch mit uns in Verbindung.

 

Ihre Heimatfreunde aus Neuenhaus